«Гэта не тратуар, а траўр!»: як у Глыбоцкім раёне праходзіць Год добраўпарадкавання

У TikTok з’явілася відэа, у якім жыхар вёскі Мярэцкія Глыбоцкага раёна Уладзіслаў паказаў, як на самой справе правялі аднаўленне асфальтаванай дарогі.

Чытайце таксама: Спілоўваць дрэвы — новы трэнд у краіне? Што пра яго думаюць самі беларусы

«Здаецца, грошы выдзелілі — пачалі рэканструкцыю дарогі, паклалі новы асфальт, робяць абочыны. Аднавілі і стары тратуар, які ўжо даўно быў засыпан зямлёй. Вырашылі зрабіць новы — паклалі, і ўжо стаяць лужыны», — распавядае аўтар відэа.

Якасць кладкі, як кажа мужчына, бачная няўзброеным вокам. Барты рознай вышыні: у адным месцы ад бардзюру — некалькі сантыметраў, у іншым — сем і больш: «Складаецца ўражанне, што нават не спрабавалі выраўняць узровень, каб зрабіць усё акуратна. Людзям з дзіцячым вазком цяпер прасцей ісці ўздоўж дарогі, чым па тратуары: той хвалісты, затрамбаваны, месцамі перакошаны», — кажа мужчына.

«Не разумею, хто працуе ў гэтых арганізацыях і чаму яны не могуць зрабіць якасна, — абураецца Уладзіслаў. — Галоўнае, што такую працу потым прымаюць, і гэта лічыцца нармальным. Наш стары тратуар праляжаў дваццаць гадоў — ніхто яго не чапаў. А цяпер зрабілі новы, ды так, што праз пару гадоў ён проста разваліцца».

@vladteyhvmw #годблагоустройства🇧🇾 #беларусь#тротуар#халатность #безответственность ♬ оригинальный звук — unique

Хоць у каментарах пад відэа некаторыя беларусы дапусцілі, што гэта можа быць толькі чарнавы слой тратура, большасць пагадзілася: якасць працы сапраўды пакідае жадаць лепшага, асабліва калі паглядзець на няроўны бардзюр.

Што беларусы думаюць пра Год добраўпарадкавання?

У каментарах пад ролікам адзначылася шмат людзей. Сярод іх многія абурыліся тым, як выконваецца праца па добраўпарадкаванню вуліц у краіне.

• «Як можна настолькі не любіць сваю краіну?».
• «Я клаў асфальт у Германіі, і паводле свайго досведу скажу: зрабіць добра ў гэтай сітуацыі было прасцей, чым зрабіць так, як атрымалася ў іх».
• «Ура, таварышчы! Наперад у светлую будучыню — хоць асфальт паклалі на два дні. Лепшай краіны за РБ не існуе!»
• «Зараз Год добраўпарадкавання. А Год якасці быў у мінулым годзе».
• «Гэта не тратуар. Гэта траўр!»
  

@365bel В Вилейке жители 50 лет ждут дорогу. Вместо асфальта — ямы и бездорожье. Жительница Вилейки покзаала в TikTok разбитую дорогу на Партизанском переулке: кругом грязь, ямы колдобины. По словам женщины, в таком состоянии улица находится уже полвека — столько же, сколько она здесь живет. «Не пройти, не проехать. 50 лет ждем дорогу!» — говорит жительница Вилейки. Она рассказала, что люди не раз обращались к местным властям, но в ответ получали только отписки и пустые обещания. #беларусь #вилейка #новостибеларуси #беларусьсейчас ♬ original sound — 365bel

Нагадаем, што гэты выпадак далёка не першы. Беларусы ўжо звярталі ўвагу на тое, што няроўныя дарогі ёсць не толькі ў вёсках, але і ў гарадах, такіх як Магілёў і Ворша. І, нягледзячы на тое, што улады Беларусі назвалі 2025 Годам добраўпарадкавання, праблемы з дарогамі застаюцца актуальнымі па ўсёй краіне.

Чытайце таксама: Год добраўпарадкавання ў Беларусі: «балоты» на дарогах, праз якія цяжка прайсці

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро