У адной школе ў бацькоў спыталі пра іх зарплату. Цэнтр абароны персанальных дадзеных назваў такое недапушчальным

У адной з магілёўскіх школ бацькам школьнікаў прапанавалі запоўніць анкету, у якой сярод пытанняў пра сям’ю былі і тыя, што тычыліся працоўнага стажу і зарплаты бацькоў.

Чытайце таксама: «Это уже не школа, а зона»: с 1 сентября в Беларуси выборочно досматривают вещи школьников

Фота анкеты апублікавалі ў Threads. Выпадак звярнуў увагу на пытанне, якое можа хваляваць шматлікіх беларусаў: якія менавіта звесткі пра бацькоў просяць паведамляць школы і на якой падставе яны гэта робяць.

Што сказалі ў Цэнтры абароны персанальных дадзеных

На сітуацыю адрэагаваў Цэнтр абароны персанальных дадзеных. Ён прааналізаваў выпадак і нагадаў, што арганізацыя павінна мець прававую падставу для збору персанальных дадзеных.

У Цэнтры адзначылі, што такой падставай можа быць норма права, дамова або згода самога чалавека. Калі адпаведнай падставы няма, збіраць інфармацыю «на ўсялякі выпадак» незаконна.

Асобна там падкрэслілі, што не варта саромецца пытацца ў арганізацыі, навошта ёй патрэбныя пэўныя звесткі.

Напрыклад, калі просяць прадаставіць асабістыя дадзеныя, можна ўдакладніць праз наступныя пытанні:

• На якой прававой падставе вы патрабуеце гэтыя дадзеныя?
• Якім заканадаўчым актам гэта прадугледжана?
• Для чаго вам патрэбная копія майго пашпарта?
• Дзе можна азнаёміцца з палітыкай апрацоўкі персанальных дадзеных вашай арганізацыі?
• Каму будуць перадавацца мае дадзеныя і як яны будуць захоўвацца?

Як заўважылі ў Цэнтры, калі арганізацыя добрасумленна збірае інфармацыю, у ёй павінныя спакойна патлумачыць, для чаго гэтыя звесткі патрэбныя і на якой падставе іх просяць.

Чытайце таксама: Адміністрацыя школаў зможа аглядаць вучняў, каб канфіскоўваць вэйпы

Бацькі ўжо сутыкаліся з падобнымі анкетамі

Гэта не першы выпадак, калі ў школах збіраюць інфармацыю пра дзяцей і іх сем’і, якая можа выклікаць пытанні.

На праблему раней звяртала ўвагу Брэсцкая «Вясна». Напрыклад, перад летнімі канікуламі ва ўстановах адукацыі бацькам прапануюць запаўняць анкеты пра тое, дзе і з кім дзіця будзе праводзіць лета. Тады Цэнтр адзначаў, што школы амаль ва ўсіх падобных сітуацыях не маюць права збіраць такія звесткі.

У выпадку з магілёўскай школай таксама застаецца пытанне, на якой менавіта падставе бацькоў прасілі паведаміць інфармацыю пра іх зарплату і працоўны стаж. З апублікаванай анкеты гэтага не вынікае.

Чытайце таксама: У слуцкіх школах бацькі заўважылі змены ў харчаванні: дзецям не хапае перакусаў

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро